خبر بفلوس
وكالة فيتش قالت إن البنوك المصرية هتقدر تصمد قصاد انخفاض الجنيه، ودة بفضل نسب الاحتياطي الإلزامي الكبير للبنوك.
أصل الموضوع
فيتش توقعت إن هامش صافي الفايدة للبنك الأهلي وبنك مصر هيتأثروا بطرح شهادات الـ 25%، أما بنوك القطاع الخاص فمن المتوقع إنها تشهد مزيد من التدفقات النقدية للخارج.
لازم تعرف
هامش صافي الفايدة هو الفرق بين الفايدة اللي البنك بيستقبلها من البنوك والفايدة اللي البنك بيدفعها على الإيداعات.
ليه دة مهم
ولكن بالرغم من تراجع هامش صافي الفايدة في البنوك، إلا إن دة بيتعوض عن طريق ارتفاع العائد على أذون الخزانة
ودلوقتي؟
التقرير أشار إن العملة المصرية ممكن تفضل تحت الضغط خلال 2023 بسبب تراكم الواردات، واحتياجات التمويل الخارجية الكبيرة، واللي هيأدي لمحاولة جذب العملة الصعبة على حساب تخفيض العملة.
