خبر بفلوس
انخفاض قيمة الجنيه والعائدات الكبيرة على أذون الخزانة، كانت إشارة لمستثمري الأسواق الناشئة علشان يضخوا أموالهم في أدوات الدين المصرية.
لازم تعرف
أذون الخزانة بتعتبر أدوات دين حكومية، من خلالها الحكومة بتستلف لمدة قصير بتتراوح من 3 شهور لسنة.
أصل الموضوع
العائد على أدوات الدين المصرية هو الأكبر مقارنةً بباقي العوائد في الأسواق الناشئة وعلشان كدة المحللين شايفين إن الظروف مناسبة لعودة الطلب من المستثمرين في سوق الدين مرة تانية.
ليه دة مهم
هبوط الجنيه المصري بالفعل جذب كمية كبيرة من الاستثمارات، لكن بعض المستثمرين بيفضلوا الانتظار لغاية مرحلة توازن العملة، وللسبب دة دويتشة بنك بيتوقع إن الجنيه المصري ينخفض بنسبة 10% تاني علشان يوصل لـ 33 جنيه مقابل الدولار.
ودلوقتي؟
آخر مرة مصر راحت فيها لسوق الدين الدولي كان في مارس 2022، لما أصدرت سندات مقومة بالين الياباني.
