خبر بفلوس
شركة فاليو، واحدة من شركات المجموعة المالية هيرميس، عايزة تصدر سندات توريق بقيمة 4.5 مليار جنيه خلال 2023.
أصل الموضوع
الشركة مخططة إن الشريحة الأولى من السندات هتكون بقيمة 1.1 مليار جنيه، وهتتم خلال الربع الأول من 2023.
ليه دة مهم
سندات التوريق بتكون مضمونة بأصول الشركة، بيتم بيعها للمستثمرين مقابل توفير التمويل المطلوب، يذكر إن وليد حسونة، الرئيس التنفيذي للشركة، كان قال إن عمليات التوريق هي أهم وسيلة للشركة لتمويل عملياتها.
دلوقتي؟
“حسونة” قال إن فاليو بترتب لعدد من الفرص الاستثمارية في شركات تكنولوجية بتكمل نشاط “فاليو”، والإعلان عن أول صفقة متوقع خلال الربع الأول 2023.
