خبر بفلوس
شركة سوديك أعلنت إن شركتها التابعة، اليسر للمشروعات والتنمية العقارية، وقعت عقد تسهيل إئتماني مع البنك العربي الإفريقي بقيمة 2.7 مليار جنيه.
لازم تعرف
التسهيل الإئتماني بيخلي العميل يسحب تمويل كل ما يحتاجه ومن غير أي طلب مسبق زي القروض، وفي الحالة دي إجمالي التمويلات اللي شركة اليسر ممكن تسحبها هو 2.7 مليار جنيه.
أصل الموضوع
التسهيل الإئتماني دة هيتم استخدامه لتمويل جزء من تكلفة مشروع “The Estates” في غرب القاهرة.
ليه دة مهم
سوديك قالت إن الخطوة دي هي بغرض زيادة استثمارات الشركة اللي مصدرها الديون، ودة علشان تحقق عائد أكبر على راس مال الشركة، والعملية دي اسمها “الرافعة المالية”، دة بالإضافة لإن حصول سوديك على التسهيل دة يعتبر شهادة ثقة على أداءها المالي.
دلوقتي؟
مشروع “The Estates” بيتم تطويره على مساحة 265 فدان بمدينة الشيخ زايد الجديدة.
