خبر بفلوس
مع بداية الأسبوع، رئيس الوزراء مصطفى مدبولي عمل اجتماع لمناقشة تطورات عملية تصدير العقار للخارج.
لازم تعرف
تصدير العقار بياخد أشكال كتيرة من أهمها زيادة المبيعات العقارية للأجانب وبيعها مقابل الدولار، دة بجانب إمكانية توفير الحكومة لحوافز أكتر مقابل الاستثمار الأجنبي في العقارات، لو عايز تعرف أكتر، إضغط هنا.
أصل الموضوع
القطاع العقاري عايز يستفيد من السعر المرتفع للدولار قصاد الجنيه من خلال التسويق للمبيعات العقارية في الأسواق الخارجية.
ليه دة مهم
بحسب عاملين في القطاع العقاري، القدرة الشرائية للعملاء برة مصر وخاصةً المصريين بالخارج أصبحت مرتفعة جدًا بعد الانخفاض الأخير للجنيه، ودة بيخلي مصر عندها ميزة تنافسية عن غيرها من الدول.
ودلوقتي؟
في حاليًا عقبات بتواجه العملاء الأجانب لما يشتروا عقار في مصر ومن أهمها عملية تسجيل العقار، ودة يعتبر عائق قصاد عملية تصدير العقار.
