خبر بفلوس
وزارة قطاع الأعمال العام، اللي بتمتلك شركة مصر للألومنيوم، بتخطط لإقامة مصنع جديد للشركة، تنفيذًا لتوجيهات الرئيس عبد الفتاح السيسي.
أصل الموضوع
مصر للألومنيوم هي الوحيدة اللي بتقوم بإنتاج الألومنيوم الخام في مصر، وليها حصة كبيرة من السوق المحلي لإنتاج مشتقات الألومنيوم بشكل عام، ولكن بيتم استيراد باقي الطلب من الخارج.
ليه دة مهم
المصنع الجديد للشركة هيتأسس بغرض زيادة إنتاج الشركة وتقليل واردات مصر من الألومنيوم من الخارج.
ودلوقتي؟
المتحدث باسم الوزارة قال إنه بيتم دلوقتي توفير التمويل اللازم للمشروع، ولكنه لم يوضح قيمة التمويل أو مصدره.
لازم تعرف
انتشرت أخبار خلال الفترة الأخيرة إن الصندوق السيادي السعودي مهتم بالمشاركة في زيادة راس مال اللي مصر للألومنيوم بتخطط تقوم بيها لتطوير مصنعها.
