خبر بفلوس
أعلنت شركة مدينة نصر للإسكان عن تقديم اسلوب جديد لامتلاك العقارات من خلال مفهوم “SAFE” (أصول آمنة ذات عائد ثابت) عن طريق ملكية العقار بشكل جزئي.
يعني إيه؟
بكل بساطة، بدل ما المستثمر يشتري عقار كامل، هيقدر دلوقتي يشتري عدد معين من الأمتار في العقار، وبكدة تكون مشكلة راس المال المطلوب لشراء عقار كامل اتحلت.
أصل الموضوع
الشركة حددت إن العميل ممكن يمتلك 4 أمتار أو مضاعفتها ، يعني (4،8،12،20،24)، من العقار وهيحصل على عائد دوري خلال فترة الإنشاءات، بالإضافة لعائد من تأجير العقار بعد الإنتهاء من الإنشاءات.
ليه دة مهم
الشركة قالت إن دة هيضمن للمالك الحصول على عائد دوري ثابت، بالإضافة لامتلاكه الأصل اللي قيمته بتزيد مع الوقت، وعلشان كدة تعتبر فرصة استثمار آمنة.
ودلوقتي؟
الطريقة الجديدة بيتم تقديمها لأول مرة في السوق المصري، وهتكون متوفرة فقط للعقارات السكنية، فندقية، إدارية وتجارية في مشروع الشركة “The Hoft”.
