خبر بفلوس
صافي الأصول الأجنبية زاد بقيمة 47.28 مليار جنيه في ديسمبر 2022، وبكدة تكون صافي الأصول الأجنبية اتحسنت من سالب 541 مليار جنيه لسالب 494 مليار جنيه.
أصل الموضوع
لما صافي الأصول الأجنبية تبقى بالسالب، بيبقى معناه إن التزامات الدولة بالعملة الأجنبية أكبر من أصولها.
ليه دة مهم
سبب رئيسي لزيادة صافي الأصول الأجنبية هو تخفيض قيمة الجنيه في أكتوبر 2022، دة لإن البنك المركزي كان بيعتمد على صافي الأصول الأجنبية علشان يدعم قيمة الجنيه، ولما تم تخفيضها احتياج المركزي لها قل.
ودلوقتي؟
الـ 47.2 مليار جنيه بيعادلوا حوالي 2 مليار دولار، بناءًا على متوسط أسعار الصرف في ديسمبر 2022.
