خبر بفلوس
هيئة المجتمعات العمرانية أصدرت بعض القرارات، بهدف المساعدة في حل الأزمة اللي بتواجه القطاع العقاري دلوقتي.
لازم تعرف
فيه أزمة في قطاع العقارات نتيجة الارتفاع المتزايد لأسعار مواد البناء اللي حصل بسبب انخفاض قيمة الجنيه قصاد الدولار.
أصل الموضوع
القرارات بتشمل زيادة الفترة الزمنية اللازمة لتنفيذ المشروعات بنسبة 20%، بالإضافة لترحيل الأقساط اللي على المطورين العقاريين بنفس المدة، بالإضافة لتحديد تنفيذ 85% علشان يعتبر كامل بدل 90%.
ليه دة مهم
رئيس الوزراء مصطفى مدبولي، قال إن القرار دة بيستهدف المطورين اللي حصل عندهم تأخير في تنفيذ مشروعاتهم بسبب الظروف الاستثنائية للدولة، بالإضافة إن المطورين هيقدروا يستكملوا الـ 15% المتبقية من المشروع بالسرعة اللي تناسبهم بدون دفع غرامات تأخير.
ودلوقتي؟
الشركات العقارية هتجتمع مع محافظ البنك المركزي خلال الأيام المقبلة علشان يناقشوا حلول أكتر تخرجهم من الأزمة.
