خبر بفلوس
رئيس الوزارء مصطفى مدبولي قال إنه الحكومة هتصدر الاستراتيجية الوطنية للهيدروجين خلال شهر.
أصل الموضوع
الوثيقة اللي هيتم تقديمها هتكون زي خطة لتطوير قطاع الهيدروجين الأخضر علشان يقدر ينافس عالميًا، بالإضافة لبحث طرق التوسع في الاستثمارات اللي هيتم ضخها في القطاع دة.
لازم تعرف
الهيدروجين الأخضر بيخل في الصناعات الثقيلة والنقل، بالإضافة لصناعة الصلب والبتروكيماويات.
ليه دة مهم
بحسب بلومبرج، أوروبا مخططة تشتري نص احتياجاتها من الهيدروجين الأخضر من الخارج، ومصر عايزة تستفيد من التوجه العالمي دة بالمساهمة في تلبية الطلب، ودة بالفعل انعكس على توقيع اتفاقيات لتنفيذ مصانع إنتاج الهيدروجين الأخضر.
ودلوقتي؟
بعد ما الحكومة بدأت في إعدادها من 2021، وكان من المتوقع الإعلان عنها في COP27 ولكن لم يحدث.
