خبر بفلوس
حجم الاستثمارات الأجنبية في أذون الخزانة اللي بتصدر من الحكومة ارتفعت في يناير 2023 بما يعادل 2.3 مليار دولار.
لازم تعرف
أذون الخزانة هي أدوات بتستخدمها الحكومة علشان تستلف فلوس من المستثمرين، وبعدين تسددها مرة تانية بعد مدة محددة وبفايدة.
أصل الموضوع
قولنا بما يعادل 2.3 مليار دولار، لإن أذون الخزنة في الأساس بيصدرها البنك المركزي بالجنيه المصري، ودة معناه إن الأجانب حولوا العملة الصعبة للجنيه علشان يستثمروا في أذون الخزانة.
ليه دة مهم
التخفيض الأخير في الجنيه ساهم في إقبال المستثمرين الأجانب علشان يضخوا فلوسهم في السوق، ومن ضمن أسباب دة هو زيادة ثقة المستثمرين في اقتصاد الدولة.
بحسب الخبير الاقتصادي هاني جنينة، فبالرغم من زيادة التدفقات الأجنبية في شهر يناير، دة مساهمش في تخفيف أزمة نقص الدولار، لإن التدفقات كان قصادها مدفوعات زي المساهمة في تخفيف أزمة الاستيراد.ودلوقتي؟
“جنينة” قال كمان إن التدفقات دي لم تستمر، وخرج جزء كبير من الاستثمارات خلال فبراير ومارس، ودة متماشي مع أراء عدد من بنوك الاستثمار.
