خبر بفلوس
أيمن سليمان رئيس صندوق مصر السيادي، اتكلم عن استثمارات الصندوق، القطاعات اللي بيستهدفها، وإيه اللي بيهم المستثمرين الأجانب للمشاركة في الطروحات.
لازم تعرف
صندوق ما قبل الطروحات تم إطلاقه السنة اللي فاتت، والغرض منه تجهيز الشركات المملوكة للدولة قبل طرحها في البورصة من خلال عرضها على مستثمرين استراتيجيين لضخ اسثتمارات تزود من كفاءتها.
أصل الموضوع
“سليمان” قال إنه حاليًا بيتم الترويج للشركات الـ 8 الموجودين في الصندوق، ومن المتوقع بدء طرحهم في البورصة بعد نهاية رمضان (اللي هيخلص في الإسبوع الأخير من إبريل 2023)
بحسب مصادر، صندوق مصر السيادي قام مؤخرًا بضم شركة الصالحية للاستثمار لصندوق ما قبل الطروحات، وعلى الناحية التانية “سليمان” كان قال قبل كدة إن شركتي “صافي” و”وطنية” مش تحت الصندوق.
ليه دة مهم
“سليمان” قال إن أكتر حاجة بتهم المستثمرين علشان يضخوا أموالهم في الشركات دي هو ضمان 1) سهولة تخارجهم وسحب عوائدهم في أي وقت 2) توافر العملة الصعبة.
المخاوف دي ممكن حلها عن طريق إن مصر توفي بالتزامتها تجاه صندوق النقد الدولي بعد حصولها منه على قرض بقيمة 3 مليار دولار.
ودلوقتي؟
صندوق مصر السيادي بيركز على الشركات المعتمدة على التصدير ، واللي بيكون فيها مرونة كبيرة وقت انخفاض الجنيه، وأغلبها متركز في قطاعات الأسمدة والبتروكيماويات، الحاويات، واللوجيتسيات.
