خبر بفلوس
عدل بنك HSBC توقعاته بخصوص قيمة الجنيه، وبقى متوقع إنها تنخفض لغاية 35-40 جنيه مقابل الدولار.
أصل الموضوع
البنك قال إنه في 3 تحديات رئيسية هتشكل أداء الجنيه خلال الفترة المقبلة:
- الالتزام بسعر صرف مرن: بالرغم من إن التحول للنظام دة فيه صعوبة، وإن زيادة التزامات مصر من الدولار ممكن تخلي قيمة الجنيه أقل من التوقعات، ولكن السياسة دي هتساهم في زيادة ثقة المستثمرين والمصريين بالخارج في العملة وبالتالي ضخ أموالهم في الاقتصاد
- السياسة النقدية: الارتفاع الكبير في التضخم ووصوله لـ 32% في فبراير بيقول إن قرار المركزي الأخير بتثبيت الفايدة مكانش في محله
- بيع الأصول الحكومية: البنك قال إن تحقيق تقدم سريع في الملف دة هيكون دليل قوي على التزام مصر بخطة الإصلاح الاقتصادي بشكل كبير
ليه دة مهم
انخفاض الجنيه هيساهم في ارتفاع الأسعار بشكل أكبر وإمكانية تجاوز معدل التضخم لـ 40% خلال الصيف، ولكنه هيفتح الطريق لتقليل عجز الحساب الجاري وزيادة تدفقات العملة الصعبة
ودلوقتي؟
البنك متوقع إن هيكون في زيادة في الفايدة بنسبة 3% في اجتماع البنك المركزي يوم 30 مارس 2023.
